Letters / Repair the London nonsense
Maks nae odds wither I bide in Shetlan’ or Angus, da energy companies do whitiver, whauriver, wheniver.
Since September 18th 2014 (no dis auld hellery ageen I hear dee moan) mair Scottish fok tocht it better tae let Westminster rule ower us aw dan wis doin’ it.
We wir all telt a pile o’ silage dat Scotland’ widna be allowed:
- Tae bide in Europe
- Use the pound fur currency
- To see Dr Who on da BBCT
- ae keep wir state pension
When da BBC played dis hellery oot on da news an’ da debates it scared folk intae voting NO.
We noo ken it wis awe nonsense of coorse but bak den mony o wis tocht it was true.
Da simple reason I hae pylons awe wye across this bonny coonty, an’ ma Island hame fur 47 years has muckle windfarms tearing up rare, blanket peat bogs is dat peerie cross in the wrang box eleven years ago.
It geed Westminster twa things.
The legal right tae tak wir resources fur free an’ sell dem back tae wis at higher prices dan dey do tae fok sooth o’ the border.
An’ da colonialist’s right tae laugh at wis turnin’ doon wir freedom, every week at Prime Minister’s Question Time.
Generating energy in Scotland is nithin’ if we hae nae powers tae use it fur Scots.
An’ dat applies in Ferryden an’ Frakkafield, Laurencekirk an’ Lerwick.
Get du ahint Hannah Mary Goodlad for Shetland an’ Dawn Black fur Angus, but only gie dem dy first vote.
The second een tae another Indy party please. Den we can start tae repair dis nonsense oota London cos it’s daen nane o’ wis ony good.
Douglas Young
Montrose
