Letters / Mind an aks fir Shaetlan tae be addit tidda census
Dis is a reminder at da consultation fir da Scottish census closes in twa weeks’ time, on da 30t September. I wid aks onybody at’s interestit or feels at Shaetlan süd be includit idda nixt census in 2031 tae please geen on an respond til it.
Da consultation can be fun here: https://consult.gov.scot/national-records-of-scotland/scotlands-census-2031/
Whin you geen on first it akses you a yis/no question. If you pit ‘no’, dan it’ll tak you richt ti da box at lats you type in whit you wid laek tae see addit ti da nixt census. Dis is da bit at maitters. Hit’ll be mair o a vaarg tae win troo da consultation if you pit ‘yis’ fir question wan.
Hit isna a big aks an it isna complicatit tae implement dis in da census. Døin dis wid alloo fir a clearer picter o hoo mony fokk spaeks it; hit wid be possible tae see whar Shaetlan is spokken, baith in Shetland an troo da rest o Scotland; an it wid pent a mair accurate picter o Shetland an Scotland as bein multilingual plaesses.
Julie Dennison
Muckle Roe
